Федерико Кьеза кетма-кет учинчи ўйинда сермаҳсул ҳаракат қилди.
"Ливерпуль" вингери АПЛнинг 8-турида "Манчестер Юнайтед"га қарши ўйиннинг 72-дақиқасида захирадан майдонга тушди ва 78-дақиқада Коди Гакпога ассистентлик қилди - 1:1. Кейинроқ Магуайр киритган гол эвазига "қизил иблислар" 2:1 ҳисобида ғалаба қозонди.
27 сентябрь куни италиялик футболчи захирадан майдонга тушганидан сўнг "Кристал Пэлас" дарвозасини ишғол қилганди, 23 сентябрь куни эса "Саутгемптон"га қарши Лига кубоги ўйинида иккита голли узатмани амалга оширганди.
Кьеза жорий мавсумда еттинчи ўйинини ўтказди. Унинг ҳисобида иккита гол ва учта голли узатма бор. Ўтган мавсум давомида у атиги икки марта гол уришга муваффақ бўлди ва битта голли узатмани амалга оширди.
