“Milan” bosh murabbiyi Massimiliano Allegri Italiya A Seriyasining 7-turida “Fiorentina”ga qarshi o‘yin (2:1) haqida fikr bildirdi.

— “Faqat bitta narsani ayta olaman — jamoa yaxshi o‘ynadi. Menimcha, "Fiorentina" o‘z goligacha biror marta ham zarba bermadi, biz esa bir necha imkoniyat yaratdik. O‘tkazib yuborilgan goldan keyin jamoa yaxshi javob berdi va oxirigacha kurashib, g‘alabani qo‘lga kiritdi. Penaltini Leau ijro etishini men aytdim — u buni ertalabki mashg‘ulotda ham sinab ko‘rgan va yaxshi bajargandi. Oddatda men o‘z jamoam penalti tepayotganini ko‘rmaslikka harakat qilaman, ammo Turinda bu menga omad keltirgan edi, bu safar ham shunday bo‘ldi. Bu yaxshi g‘alaba, ammo mavsum maqsadlariga yetish uchun hali ko‘p ochko to‘plashimiz kerak”, — dedi Allegri.

7 ta o‘yindan keyin “Milan” jamoasi 16 ochko to‘plab, A Seriya jadvalida peshqadamlikni saqlab turibdi. “Fiorentina” esa 3 ochko bilan 18-o‘rinda joylashgan.