“Милан” бош мураббийи Массимилиано Аллегри Италия А Сериясининг 7-турида “Фиорентина”га қарши ўйин (2:1) ҳақида фикр билдирди.

— “Фақат битта нарсани айта оламан — жамоа яхши ўйнади. Менимча, "Фиорентина" ўз голигача бирор марта ҳам зарба бермади, биз эса бир неча имконият яратдик. Ўтказиб юборилган голдан кейин жамоа яхши жавоб берди ва охиригача курашиб, ғалабани қўлга киритди. Пенальтини Леау ижро этишини мен айтдим — у буни эрталабки машғулотда ҳам синаб кўрган ва яхши бажарганди. Оддатда мен ўз жамоам пенальти тепаётганини кўрмасликка ҳаракат қиламан, аммо Туринда бу менга омад келтирган эди, бу сафар ҳам шундай бўлди. Бу яхши ғалаба, аммо мавсум мақсадларига етиш учун ҳали кўп очко тўплашимиз керак”, — деди Аллегри.

7 та ўйиндан кейин “Милан” жамоаси 16 очко тўплаб, А Серия жадвалида пешқадамликни сақлаб турибди. “Фиорентина” эса 3 очко билан 18-ўринда жойлашган.