"Nottingem Forest" dam olish kunlari Ange Postekoglu bilan xayrlashdi va endi jamoaga yangi bosh murabbiy izlamoqda. "O‘rmonchilar" e’tiborida "Fulxem"ni boshqarayotgan Marku Silva turibdi. Nufuzli insayder Janluka di Marsioning ma’lumotiga ko‘ra, "Forest" portugaliyalikning amaldagi shartnomasida ko‘rsatilgan tovon pulini to‘lashga tayyor.
Gap qanday summa haqida ketayotganiga Di Marsio aniqlik kiritmagan. Shu bilan birga, avvalroq Britaniya OAVlari Silvani 8 million funtga (taxminan 9,2 million yevro) sotib olish mumkinligi haqida yozgan edi.
"Nottingem Forest" ayni damda Premyer-liga turnir jadvalida 18-o‘rinni egallab turibdi. "O‘rmonchilar" keyingi turda "Bornmut"ga qarshi bahs olib boradi.
