"Ноттингем Форест" дам олиш кунлари Анге Постекоглу билан хайрлашди ва энди жамоага янги бош мураббий изламоқда. "Ўрмончилар" эътиборида "Фулхэм"ни бошқараётган Марку Силва турибди. Нуфузли инсайдер Жанлука ди Марционинг маълумотига кўра, "Форест" португалияликнинг амалдаги шартномасида кўрсатилган товон пулини тўлашга тайёр.
Гап қандай сумма ҳақида кетаётганига Ди Марцио аниқлик киритмаган. Шу билан бирга, аввалроқ Британия ОАВлари Силвани 8 миллион фунтга (тахминан 9,2 миллион евро) сотиб олиш мумкинлиги ҳақида ёзган эди.
"Ноттингем Форест" айни дамда Премьер-лига турнир жадвалида 18-ўринни эгаллаб турибди. "Ўрмончилар" кейинги турда "Борнмут"га қарши баҳс олиб боради.
