Yarim himoyachi Fermin Lopes matbuot anjumanida jurnalistlar bilan suhbatlashdi. Futbolchi turli jamoalar bilan bog‘liq bo‘lgan yozgi mish-mishlar yuzasidan savol oldi.
"Men mutlaqo xotirjam edim. Doim "Barselona"da qolish haqida o‘ylardim. Hech qachon shubhalanmaganman. Turli mish-mishlar tarqaldi, lekin men buni nazorat qila olmayman. Asosiysi, men bu yerda bo‘lishni xohlagandim - shunday bo‘ldi," - dedi Lopes.
"Barselona"ning asosiy jamoasi safida Fermin Lopes 94 ta o‘yinda maydonga tushib, 21 ta gol urgan va 11 ta golli uzatmani amalga oshirgan.
"Barselona" Chempionlar ligasi doirasida o‘z maydonida "Olimpiakos"ga qarshi o‘yinga tayyorgarlik ko‘rmoqda. O‘yin 21 oktyabr kuni bo‘lib o‘tadi.
