Ярим ҳимоячи Фермин Лопес матбуот анжуманида журналистлар билан суҳбатлашди. Футболчи турли жамоалар билан боғлиқ бўлган ёзги миш-мишлар юзасидан савол олди.
"Мен мутлақо хотиржам эдим. Доим "Барселона"да қолиш ҳақида ўйлардим. Ҳеч қачон шубҳаланмаганман. Турли миш-мишлар тарқалди, лекин мен буни назорат қила олмайман. Асосийси, мен бу ерда бўлишни хоҳлагандим - шундай бўлди," - деди Лопес.
"Барселона"нинг асосий жамоаси сафида Фермин Лопес 94 та ўйинда майдонга тушиб, 21 та гол урган ва 11 та голли узатмани амалга оширган.
"Барселона" Чемпионлар лигаси доирасида ўз майдонида "Олимпиакос"га қарши ўйинга тайёргарлик кўрмоқда. Ўйин 21 октябрь куни бўлиб ўтади.
