"Barselona" yarim himoyachisi Fermin Lopes jamoa vingeri Lamin Yamal haqida fikr bildirdi.
"Men Laminni bolaligimdan beri bilaman va u dunyodagi eng yaxshi futbolchi. Hamma u haqda gapiradi, ko‘pchilik uni yo‘ldan urishga harakat qiladi. U xotirjamlikni saqlashi kerak - u bu borada yetuk, biz esa unga yordam berishga harakat qilamiz, chunki u jamoa uchun muhim. Agar u yaxshi bo‘lsa - jamoa ham yaxshi bo‘ladi," - dedi Lopes matbuot anjumanida.
"Barselona" ayni damda Chempionlar ligasi doirasidagi "Olimpiakos"ga qarshi uy uchrashuviga tayyorgarlik ko‘rmoqda. O‘yin 21 oktyabr kuni Toshkent vaqti bilan soat 21:45 da boshlanadi. Ortda qolgan ikki turda "ko‘k-anorranglilar" 3 ochkoni qo‘lga kiritdi.
