Rossiyalik tadbirkor Roman Abramovich Istanbulning "Galatasaroy" klubi aksiyadoriga aylanmoqchi emas. Bu haqda "Mash na sporte" telegram kanalida xabar berildi.
Milliarder atrofidagi manbaga ma’lum qilinishicha, Abramovich futbol klublariga pul kiritishni rejalashtirmayapti.
"Mazkur ma’lumotlar haqiqatga to‘g‘ri kelmaydi. Janob Abramovich hech qanday futbol klubini sotib olmaydi va sarmoya kiritmaydi," - dedi Abramovichning vakili.
Eslatib o‘tamiz, tadbirkor uzoq vaqt davomida Londonning "Chelsi" klubi xo‘jayini bo‘lgan. U bir necha yil oldin ingliz klubini amerikalik investorlarga sotgan.
