Россиялик тадбиркор Роман Абрамович Истанбулнинг "Галатасарой" клуби акциядорига айланмоқчи эмас. Бу ҳақда "Маш на спорте" телеграм каналида хабар берилди.
Миллиардер атрофидаги манбага маълум қилинишича, Абрамович футбол клубларига пул киритишни режалаштирмаяпти.
"Мазкур маълумотлар ҳақиқатга тўғри келмайди. Жаноб Абрамович ҳеч қандай футбол клубини сотиб олмайди ва сармоя киритмайди," - деди Абрамовичнинг вакили.
Эслатиб ўтамиз, тадбиркор узоқ вақт давомида Лондоннинг "Челси" клуби хўжайини бўлган. У бир неча йил олдин инглиз клубини америкалик инвесторларга сотган.
