"Liverpul" Chempionlar Ligasi umumiy bosqichining 3-turida "Ayntraxt" mehmoni bo‘ldi va 5:1 hisobida zafar quchdi.
Mehmonlar safida Yugo Ekitike, Virjil van Deyk, Ibraima Konate, Kodi Gakpo va Dominik Soboslai gol urdi. Mersisaydliklar yarim himoyachisi Florian Virs ikkita assistni amalga oshirdi.
Mezbonlarning yagona goli Rasmus Kristensen hisobiga yozildi.
"Liverpul" barcha musobaqalarda ketma-ket to‘rtta mag‘lubiyatdan iborat seriyasiga barham berdi. Arne Slot jamoasi 3 o‘yinda 6 ochko jamg‘argan holda Chempionlar ligasi umumiy turnir jadvalida o‘ninchi o‘ringa ko‘tarildi. "Ayntraxt" 3 ochko bilan 22-pog‘onada bormoqda.
Keyingi turda "Liverpul" o‘z maydonida "Real"ga qarshi bahs olib borsa, "Ayntraxt" safarda "Napoli" bilan kuch sinashadi. Ikkala o‘yin ham 4 noyabr kuni bo‘lib o‘tadi.
YECHL. Umumiy bosqich. 3-tur
22 oktyabr, 23:59
Ayntraxt - Liverpul - 1-5
Gollar: Kristensen, 26 (1:0). Ekitike, 35 (1:1). van Deyk, 39 (1:2). Konate, 44 (1:3). Gakpo, 66 (1:4). Soboslai, 70 (1:5)
Ayntraxt F: Setterer, Kox, Teat, Amenda, Larsson, Getse (Shaibi, 64), Braun, Kristensen (Kollinz, 59), Knauff (Sxiri, 76), Baoyya (Burkardt, 59), Doan (Uzun, 64)
Liverpul: Mamardashvili, van Deyk, Konate (Gomes, 74), Robertson, Frimpong (Bredli, 19), Djons, Virs, Soboslai, Gakpo (Makallister, 74), Ekitike (Saloh, 74), Isak (Kyeza, 46)
Ogohlantirishlar: Doan, 52. Amenda, 54
