Parijning “PSJ” klubi prezidenti Nosir Al-Xelayfiy o‘tgan yillar davomida jamoada o‘ynagan yuldyz futbolchilar haqida fikr bildirdi.

Klub rahbari oldin qabul qilgan qarorlarining birortasidan afsuslanmayotgani, “PSJ”da o‘ynagan har bir futbolchidan minnatdor ekanini aytdi:

“Oldin qabul qilgan qarorlarimdan birortasini ham o‘zgartirmagan bo‘lardim. “PSJ”da o‘ynagan har bir futbolchi Chempionlar Ligasini yutishda bizga yordam berdi. Messi, Neymar, Mbappe, Ibragimovich... Biz ulardan minnatdor bo‘lishimiz kerak”, dedi Al-Xelayfiy RMC Sport nashriga bergan intervyusida.

Eslatib o‘tamiz, “PSJ” Chempionlar Ligasining amaldagi g‘olibi sanaladi. O‘tgan mavsumda Luis Enrike shogirdlari finalda “Inter”ni 5:0 hisobida yirik mag‘lubiyatga uchratgan edi.

Ma’lumot uchun, Xelayfiy 2011-yilda “PSJ” klubini sotib olgan. O‘shandan keyin klub Yevropa Chempionlar Ligasida g‘alaba qozonish uchun ko‘plab futbolchilarni sotib oldi. 2017 yil “Barselona”dan Neymarni 222 million yevro evaziga xarid qildi. Bu hozirgacha futbol tarixidagi eng qimmat transfer bo‘lib turibdi.