Myunxenning "Bavariya" klubi himoyachi Konrad Laymer bilan mehnat shartnomasini uzaytirishni rejalashtirmoqda. Bu haqda jurnalist Kristian Falk xabar bermoqda.
Manbaga ko‘ra, tomonlar dastlabki muzokaralarni o‘tkazib bo‘lishgan, ammo hozircha futbolchiga "Bavariya"dan rasmiy taklif bo‘lmagan. Ta’kidlanishicha, tez orada muzokaralar qayta tiklanadi. Kelishuvga shu kalendar yilidayoq erishish mumkin.
2023 yilda "Bavariya" Laymerni erkin agent sifatida o‘z safiga qo‘shib oldi. U joriy mavsum barcha musobaqalarda 12 ta o‘yinda maydonga tushib, bitta gol urdi va beshta golli uzatma muallifiga aylandi.
28 yoshli avstriyalikning "Bavariya" bilan amaldagi shartnomasi 2027 yilning yozida yakuniga yetadi.
