Мюнхеннинг "Бавария" клуби ҳимоячи Конрад Лаймер билан меҳнат шартномасини узайтиришни режалаштирмоқда. Бу ҳақда журналист Кристиан Фалк хабар бермоқда.
Манбага кўра, томонлар дастлабки музокараларни ўтказиб бўлишган, аммо ҳозирча футболчига "Бавария"дан расмий таклиф бўлмаган. Таъкидланишича, тез орада музокаралар қайта тикланади. Келишувга шу календарь йилидаёқ эришиш мумкин.
2023 йилда "Бавария" Лаймерни эркин агент сифатида ўз сафига қўшиб олди. У жорий мавсум барча мусобақаларда 12 та ўйинда майдонга тушиб, битта гол урди ва бешта голли узатма муаллифига айланди.
28 ёшли австрияликнинг "Бавария" билан амалдаги шартномаси 2027 йилнинг ёзида якунига етади.
