"Arsenal" bu mavsum himoyadagi ishonchliligi bilan ajralib turibdi. Mikel Arteta jamoasi mavsumdagi 12 o‘yinda atigi uchta gol o‘tkazib yubordi, barchasi Premyer-ligada. Juma kuni bo‘lib o‘tgan matbuot anjumanida Artetaga "kanonirlar" "Chelsi" rekordini yangilay oladimi, deb savol berishdi. 2004/2005 yilgi mavsumda londonliklar Joze Mourinyo davrida chempionatda atigi 15 ta gol o‘tkazib yuborib, Angliya chempionligini qo‘lga kiritishgandi.
"Bunday rekordlar oxir-oqibat biz intilayotgan sovrinlarni olib keladi. Maydonda qanchalik ko‘p o‘zimizni ko‘rsata olsak, maqsadga shunchalik yaqin bo‘lamiz. Bizning vazifamiz - rivojlanishni davom ettirish," - dedi Arteta matbuot anjumanida. 26 oktyabr, yakshanba,
"Arsenal" Premyer-liga doirasidagi uy uchrashuvini "Kristal Pelas"ga qarshi o‘tkazadi.
