"Арсенал" бу мавсум ҳимоядаги ишончлилиги билан ажралиб турибди. Микель Артета жамоаси мавсумдаги 12 ўйинда атиги учта гол ўтказиб юборди, барчаси Премьер-лигада. Жума куни бўлиб ўтган матбуот анжуманида Артетага "канонирлар" "Челси" рекордини янгилай оладими, деб савол беришди. 2004/2005 йилги мавсумда лондонликлар Жозе Моуриньо даврида чемпионатда атиги 15 та гол ўтказиб юбориб, Англия чемпионлигини қўлга киритишганди.
"Бундай рекордлар охир-оқибат биз интилаётган совринларни олиб келади. Майдонда қанчалик кўп ўзимизни кўрсата олсак, мақсадга шунчалик яқин бўламиз. Бизнинг вазифамиз - ривожланишни давом эттириш," - деди Артета матбуот анжуманида. 26 октябрь, якшанба,
"Арсенал" Премьер-лига доирасидаги уй учрашувини "Кристал Пэлас"га қарши ўтказади.
