"Bavariya" yarimhimoyachisi Yozua Kimmix jamoaning mavsum startidagi rekord natijasi - qatorasiga 13 g‘alabaga erishgani haqida gapirdi. Shanba kuni Vensan Kompani jamoasi safarda Myunxengladbaxning "Borussiya" klubini mag‘lub etdi (3:0).
"Bu rekord tasodif emas. Bu mashaqqatli mehnatning mukofoti. Bizda juda yaxshi jamoa bor, jumladan, zaxiradan maydonga tushib, o‘yinni o‘zgartiradiganlar ham. Biz ahilmiz, hamisha bir-birimiz uchun quvonamiz. Albatta, tarkibdagi o‘rinlar uchun raqobat bor, ammo hamma umumiy manfaat uchun borini beradi", - deya Kimmixning so‘zlarini keltiradi Bayern & Germany.
