"Бавария" яримҳимоячиси Йозуа Киммих жамоанинг мавсум стартидаги рекорд натижаси - қаторасига 13 ғалабага эришгани ҳақида гапирди. Шанба куни Венсан Компани жамоаси сафарда Мюнхенгладбахнинг "Боруссия" клубини мағлуб этди (3:0).
"Бу рекорд тасодиф эмас. Бу машаққатли меҳнатнинг мукофоти. Бизда жуда яхши жамоа бор, жумладан, захирадан майдонга тушиб, ўйинни ўзгартирадиганлар ҳам. Биз аҳилмиз, ҳамиша бир-биримиз учун қувонамиз. Албатта, таркибдаги ўринлар учун рақобат бор, аммо ҳамма умумий манфаат учун борини беради", - дея Киммихнинг сўзларини келтиради Bayern & Germany.
