"Manchester Siti" bosh murabbiyi Pep Gvardiola bu mavsumda Angliya Premyer-ligasi chempionligi uchun kimni asosiy da’vogar deb bilishini ma’lum qildi.
"Arsenal" hozirda 19 ochko bilan turnir jadvalida peshqadamlik qilmoqda. "Shaharliklar" 16 ochko bilan uchinchi o‘rinda, amaldagi chempion "Liverpul" (15) esa ketma-ket to‘rtta mag‘lubiyatdan so‘ng oltinchi o‘ringa tushib ketdi.
"Menimcha, "Arsenal" ko‘p ochko yo‘qotadi deb o‘ylamayman. Biroq, mening fikrimcha, "Liverpul" so‘nggi mag‘lubiyatlariga qaramay, asosiy favorit bo‘lib qolmoqda", dedi Gvardiola yakshanba kungi "Aston Villa"ga qarshi o‘yindan oldin.
