“Manchester Yunayted” Lissabonning “Sporting” klubi yarim himoyachisi Morten Yulmannni o‘z safiga qo‘shib olmoqchi. Bu haqda TEAMtalk nashri xabar berdi.

Manbaga ko‘ra, “qizil iblislar” bosh murabbiyi Ruben Amorim ushbu futbolchiga “Sporting”da ustozlik qilgan. Shuning uchun ingliz klubi 26 yoshli daniyalik futbolchini transfer qilish imkoniyatini jiddiy ko‘rib chiqmoqda.

Yulmannning shartnomasida 80 million yevrolik tovon puli belgilangan. Biroq “Manchester Yunayted” Amorimning “Sporting” bilan yaxshi munosabatlaridan foydalanib, bu summani kamaytirishdan umid qilmoqda. “Qizil iblislar” rahbariyati Mortenni 60-65 million yevro atrofidagi summa evaziga sotib olishni mo‘ljallamoqda.

Shuningdek, “Manchester Yunayted” rahbariyati “Kristal Pelas” futbolchisi Adam Uorton, “Brayton” yarim himoyachisi Karlos Baleba,  “Borussiya Dortmund” a’zosi Job Bellingem va “Portu” vakili Viktor Froholdtning o‘yinlarini ham kuzatib bormoqda. Agar muzokaralar ijobiy yakunlansa, mazkur futbolchilar qishki transfer oynasida “qizil iblislar” safiga o‘tishi mumkin

Ma’lumot uchun, Morten Yulmann joriy mavsum “Sporting” safida jami 12 ta o‘yinda maydonga tushib, o‘z hisobiga 1 gol yozdirib qo‘ygan. Transfermarkt portali futbolchining qiymatini 50 million yevroga baholamoqda.