Ispaniya chempionatining 10-turida «Real Madrid» «Barselona»ni 2:1 hisobida mag‘lub etdi. Bu g‘alaba nafaqat jamoa uchun, balki bosh murabbiy Xabi Alonso uchun ham tarixiy ahamiyat kasb etdi, deb xabar bermoqda Opta Sports.
Ma’lumotlarga ko‘ra, ushbu uchrashuvda madridliklar «Barselona» darvozasi tomon 23 marta zarba berishgan — bu so‘nggi 22 yil ichida “el-klasiko”da debyut qilgan murabbiy uchun eng yuqori natijadir.
Ilgari bu ko‘rsatkich bo‘yicha rekord Frank Raykardga tegishli bo‘lgan — u boshqaruvidagi 2003 yildagi birinchi “el-klasiko”da «Barselona» futbolchilari 21 ta zarba amalga oshirgan edi.
