Испания чемпионатининг 10-турида «Реал Мадрид» «Барселона»ни 2:1 ҳисобида мағлуб этди. Бу ғалаба нафақат жамоа учун, балки бош мураббий Хаби Алонсо учун ҳам тарихий аҳамият касб этди, деб хабар бермоқда Opta Sports.
Маълумотларга кўра, ушбу учрашувда мадридликлар «Барселона» дарвозаси томон 23 марта зарба беришган — бу сўнгги 22 йил ичида “эл-класико”да дебют қилган мураббий учун энг юқори натижадир.
Илгари бу кўрсаткич бўйича рекорд Франк Райкардга тегишли бўлган — у бошқарувидаги 2003 йилдаги биринчи “эл-класико”да «Барселона» футболчилари 21 та зарба амалга оширган эди.
