"Inter"ning 36 yoshli yarim himoyachisi Genrix Mxitaryan son mushaklaridan jarohat oldi.
Klub xabariga ko‘ra, jamoa faxriysi noyabr oyi oxirigacha tiklanadi. Armanistonlik kelasi hafta yana tibbiy ko‘rikdan o‘tadi.
Eslatib o‘tamiz, "Inter" o‘tgan hafta oxirida "Napoli"ga qarshi kechgan muhim o‘yinda Genrixni yo‘qotdi. Umuman olganda, joriy mavsumda Mxitaryan "neradzurrilar" safida sakkizta o‘yinda maydonga tushdi va ularda golli harakatlar qayd etilmadi.
Darvoqe, Mxitaryanning "Inter" bilan shartnomasi 2026 yilning yozigacha mo‘ljallangan.













