Lamin Yamal va Dani Karvaxal endi mashhur ijtimoiy tarmoqlardan birida bir-birini kuzatmaydi. Bu faktga Foot Mercato e’tibor qaratmoqda.

Yakshanba kuni "Real" o‘z maydonida "Barselona"ni 2:1 hisobida mag‘lub etdi. O‘yindan keyin Karvaxal bilan Yamal o‘rtasida qandaydir muloqot bo‘lib o‘tdi. "Real"ning tajribali himoyachisi "Barselona"ning yosh vingeriga kamroq gapirish kerakligini imo-ishoralar bilan tushuntirdi.

Xabaringiz bor, Yamal "el-klasiko" oldidan "Real" sha’niga bir nechta achchiq gaplarni aytgandi.

O‘tkazilgan 10 turdan so‘ng "Real" Ispaniya chempionatida peshqadamlik qilmoqda, "Barselona" esa 5 ochko ortda qolmoqda.