Ламин Ямал ва Дани Карвахаль энди машҳур ижтимоий тармоқлардан бирида бир-бирини кузатмайди. Бу фактга Foot Mercato эътибор қаратмоқда.
Якшанба куни "Реал" ўз майдонида "Барселона"ни 2:1 ҳисобида мағлуб этди. Ўйиндан кейин Карвахаль билан Ямал ўртасида қандайдир мулоқот бўлиб ўтди. "Реал"нинг тажрибали ҳимоячиси "Барселона"нинг ёш вингерига камроқ гапириш кераклигини имо-ишоралар билан тушунтирди.
Хабарингиз бор, Ямал "эл-класико" олдидан "Реал" шаънига бир нечта аччиқ гапларни айтганди.
Ўтказилган 10 турдан сўнг "Реал" Испания чемпионатида пешқадамлик қилмоқда, "Барселона" эса 5 очко ортда қолмоқда.
