“Real” va “Valensiya” klublarining sobiq darvozaboni Santyago Kanisares “Barselona” vingeri Lamin Yamal va uning “el-klasiko”dan keyin Dani Karvaxal bilan bo‘lgan mojarosi haqida fikr bildirdi.

— “Menimcha, 18 yoshli yigitga hali ko‘p maslahat kerak. Eng muhimi — kamtar bo‘lish va boshqalarni tinglash. Yozdan beri Lamin ko‘pincha maydondan tashqaridagi xatti-harakatlari bilan yodga olinayotgan edi. Uning kechagi o‘yini juda hafsalani pir qildi. Agar u o‘sish va takomillashishni xohlasa, menimcha, u vaqtni bekorchi narsalarga vaqt sarflamasligi kerak. Bu unga katta zarar yetkazyapti. Men hozircha xavotirda emasman, lekin bu vaziyat qanday yakunlanishini kutamiz,” — dedi Kanisares.

Uning so‘zlariga ko‘ra, Karvaxalning Yamalga nisbatan reaksiyasi mutlaqo tabiiy bo‘lgan:

— “Bu populizm emas. Agar men jamoa sardori bo‘lsam, sen mening jamoamga hurmatsizlik qilding. Karvaxal hech qachon populist bo‘lgan emas. Bu faqat haqoratga javob. Biroq menimcha, bu milliy jamoaga ta’sir qilmaydi. Ularning terma jamoadagi uchrashuvi sovuq bo‘lishi mumkin, ammo ikki kundan keyin ular jahon chempionligi uchun kurashni o‘ylay boshlashadi. Lamin esa o‘z xatosi uchun allaqachon tovon to‘ladi”, — dedi sobiq darvozabon.

Eslatib o‘tamiz, “el-klasiko” oldidan Lamin Yamal “Real” haqida haqoratli fikr bildirgan edi. Uchrashuv madridliklarning 2:1 hisobidagi g‘alabasi bilan yakunlandi.