"Atalanta" bosh murabbiyi Ivan Yurich "Milan"ga qarshi o‘yin oldidan matbuot bilan uchrashdi. Italiya chempionati 9-turidan o‘rin olgan o‘yin 28 oktyabr oqshomida bo‘lib o‘tadi.
So‘nggi o‘yinlarda golli vaziyatlardan yomon foydalangani va duranglar seriyasiga qaramay, Yurich ijobiy kayfiyatda edi.
"Ko‘p narsa yaratdik, ammo golga aylantira olmadik. Jamoa tirik, Lukman to‘liq ishtirok etmoqda, unga faqat yakun yetishmayapti. Har 2-3 kunda o‘ynash qiyin, lekin biz doimiy ravishda vaziyatni tahlil qilib boramiz. "Milan"ni tiyib turish uchun bizga ritm va ixchamlik kerak", - deya murabbiyning so‘zlarini keltiradi Football Italia.
Murabbiy, shuningdek, darvozabon Marko Karnesekki bilan hech qanday kelishmovchiligi yo‘qligini va unga qaratilgan so‘zlar hissiyot bilan aytilganini ta’kidladi.
