"Аталанта" бош мураббийи Иван Юрич "Милан"га қарши ўйин олдидан матбуот билан учрашди. Италия чемпионати 9-туридан ўрин олган ўйин 28 октябрь оқшомида бўлиб ўтади.
Сўнгги ўйинларда голли вазиятлардан ёмон фойдалангани ва дуранглар сериясига қарамай, Юрич ижобий кайфиятда эди.
"Кўп нарса яратдик, аммо голга айлантира олмадик. Жамоа тирик, Лукман тўлиқ иштирок этмоқда, унга фақат якун етишмаяпти. Ҳар 2-3 кунда ўйнаш қийин, лекин биз доимий равишда вазиятни таҳлил қилиб борамиз. "Милан"ни тийиб туриш учун бизга ритм ва ихчамлик керак", - дея мураббийнинг сўзларини келтиради Football Italia.
Мураббий, шунингдек, дарвозабон Марко Карнесекки билан ҳеч қандай келишмовчилиги йўқлигини ва унга қаратилган сўзлар ҳиссиёт билан айтилганини таъкидлади.
