Poytaxtimizda ilk bor stol tennisi bo‘yicha tashkil etilgan “Pro-tur” musobaqasida saralashdan muvaffaqiyatli o‘tganlar g‘oliblik uchun kurash olib bordi.
E’tiborli jihati, murosasiz bahslarning respublika bosqichida stol tennisi bilan professional shug‘ullanayotgan hamda endi mashg‘ulotlarga qatnashni boshlagan havaskorlar ishtirok etish huquqini qo‘lga kiritdi.
Turnirda qatnashgan 353 nafar ishtirokchi orasida kechgan o‘yinlar sarhisobiga ko‘ra, ayollar o‘rtasida Mehriniso Norqulova g‘oliblikka erishgan bo‘lsa, sovrinli o‘rinlar Liliya Polegayeva, Mohiro‘y Kamolova, Diana Polegayevaga nasib etdi.
Erkaklar o‘rasidagi o‘yinlarda Jamshid Rahimberganov shohsupaning eng yuqorisidan joy oldi. Qudrat Abdurahimov, Orzubek Baratov, Dovud Lutfullayev keyingi qatorlarni band etdi.
Turnir yakunida g‘olib va sovrindorlar diplom, medal va esdalik sovg‘alari bilan taqdirlandi.
