Luchano Spalletti "Yuventus" bosh murabbiyiga aylanish arafasida. Turinliklar rahbariyati 66 yoshli mutaxassis foydasiga yakuniy qarorni seshanba kuni bo‘lib o‘tgan muhokamalardan so‘ng qabul qildi, deb xabar bermoqda nufuzli insayder Janluka di Marsio.
Tomonlar Chempionlar ligasiga yo‘llanma olgan taqdirda shartnomani 2026 yilning yarmigacha uzaytirish imkoniyati bilan kelishib oldi. Shartnoma yaqin soatlar ichida imzolanishi kutilmoqda va tez orada klub rasman e’lon qiladi.
"Yuventus"da Luchano Spalletti so‘nggi o‘yinlardagi qoniqarsiz natijalar fonida iste’foga chiqarilgan Igor Tudorning o‘rnini egallaydi.













