Velko Paunovich rasman Serbiya terma jamoasining yangi bosh murabbiyiga aylandi. Bu haqda Serbiya futbol ittifoqi matbuot xizmati xabar bermoqda.
Paunovichning avvalgi ish joyi Ispaniyaning "Real Ovyedo" klubi bo‘lgan. Serbiyalik murabbiy bu klubni uzoq yillar davomida ilk bor Segundadan Primeraga olib chiqdi.
Noyabr oyida Serbiya terma jamoasini jahon chempionati saralashining eng muhim o‘yinlari kutmoqda. Bolqonliklar 13 noyabr kuni inglizlar mehmoni bo‘lsa, 16 noyabr kuni o‘z maydonida latviyaliklar bilan o‘ynaydi. Hozirda serblar saralash guruhida uchinchi o‘rinni egallab turibdi va 10 ochkoga ega.
Avvalroq serblarga Dragan Stoykovich rahbarlik qilgan, u oktyabr oyida albanlardan mag‘lubiyatga uchraganidan keyin ishdan bo‘shatilgandi.
