Велько Паунович расман Сербия терма жамоасининг янги бош мураббийига айланди. Бу ҳақда Сербия футбол иттифоқи матбуот хизмати хабар бермоқда.
Пауновичнинг аввалги иш жойи Испаниянинг "Реал Овьедо" клуби бўлган. Сербиялик мураббий бу клубни узоқ йиллар давомида илк бор Сегундадан Примерага олиб чиқди.
Ноябрь ойида Сербия терма жамоасини жаҳон чемпионати саралашининг энг муҳим ўйинлари кутмоқда. Болқонликлар 13 ноябрь куни инглизлар меҳмони бўлса, 16 ноябрь куни ўз майдонида латвияликлар билан ўйнайди. Ҳозирда серблар саралаш гуруҳида учинчи ўринни эгаллаб турибди ва 10 очкога эга.
Аввалроқ сербларга Драган Стойкович раҳбарлик қилган, у октябрь ойида албанлардан мағлубиятга учраганидан кейин ишдан бўшатилганди.
