"Liverpul" sardori Virjil van Deyk "Aston Villa"ga (2:0) qarshi o‘yindan keyin jurnalistlarning savollariga javob qaytardi.
Mersisaydliklar Premyer-ligada 4 o‘yindan beri davom etayotgan mag‘lubiyatlar seriyasiga chek qo‘ydi.
"G‘alaba qozonish va gol o‘tkazib yubormaslik har doim yoqimli. Ammo bu faqat bitta g‘alaba - dam olish va keyingi o‘yinga e’tibor qaratish kerak.
So‘nggi haftalarda klubimiz atrofida shov-shuv ko‘payib ketdi. Bu ba’zi futbolchilarga salbiy ta’sir ko‘rsatishi mumkin, ammo biz birdamlikni saqlashga harakat qilamiz. Biz doim g‘alaba qozonishni va muxlislarni xursand qilishni istaymiz, ammo hech qachon bunga kafolat yo‘q - APLda raqobat darajasi juda yuqori.
Ishni davom ettirish kerak. Biz ortiqcha gap-so‘zlardan uzoq bo‘lib, e’tiborni ishga qaratishimiz kerak," - dedi van Deyk TNT Sports telekanaliga bergan intervyusida.
4 noyabr kuni "Liverpul" Chempionlar ligasida Madridning "Real" klubini qabul qiladi.
