Kataloniyaning «Barselona» jamoasi murabbiylar shtabi, bosh murabbiy Xans-Diter Flik rahbarligida, La Liganing 11-turida «Elche»ga qarshi bahs uchun jamoa qaydnomasini e’lon qildi.
«Ko‘k-anorranglilar» matbuot xizmati xabar berishicha, kengaytirilgan ro‘yxatga 18 yoshli vinger Lamin Yamal ham kiritilgan. U so‘nggi kunlarda son qismining past qismida noqulaylik his qilayotgan edi, ammo murabbiy uni o‘yinga tayyor deb topdi.
«Barselona» va «Elche» o‘rtasidagi uchrashuv yakshanba kuni, 2 noyabrda bo‘lib o‘tadi. O‘yin boshlanishi Toshkent vaqti bilan soat 22:30 ga belgilangan.
Hozirgi vaqtda «Barselona» 22 ochko bilan Ispaniya chempionati jadvalida uchinchi o‘rinni egallab turibdi. «Elche» esa 14 ochko bilan sakkizinchi pog‘onada joylashgan.
