Angliyaning «Bornmut» klubi bosh murabbiyi Andoni Iraola jamoa bilan shartnomani uzaytirish ehtimoli haqidagi ma’lumot bilan o‘rtoqlashdi. Uning amaldagi kelishuvi 2026 yil yozida yakunlanadi.
Iraolaning aytishicha, bu masala klub egasi Bill Fouli bilan hali batafsil muhokama qilinmagan. Fouli o‘tgan hafta Britaniyaga tashrif buyurib, jamoa mashg‘ulotlarini kuzatgan edi.
«Ha, biz birgalikda tushlik qildik. U mashg‘ulotlarimizni ko‘rish uchun kelgandi. Endi bu yerda yig‘ilishimiz mumkin bo‘lgan joyimiz bor, va biz shunchaki suhbatlashdik. Turli mavzular haqida gaplashdik, lekin shartnoma haqida emas», — deb Iraolaning so‘zlarini Tribalfootball keltirdi.
«Shartnoma haqida to‘liq uchrashuv bo‘lgani yo‘q. Yo‘q, hali bu masalada gaplashishga vaqt bor, qachon qaror qabul qilsak, o‘shanda muhokama qilamiz».
Hozirda «Bornmut» APL jadvalida 18 ochko bilan ikkinchi o‘rinni egallab turibdi. 2 noyabr kuni soat 21:30 (Toshkent vaqti)da ularning «Manchester Siti»ga qarshi uchrashuvi boshlanadi.
