“Liverpul” klubining bosh skauti Barri Xanter shanba kuni “Kreyven Kottedj” stadionida bo‘lib, “Fulxem” jamoasining yozgi yangi transferi — 22 yoshli braziliyalik Kevinning o‘yinini kuzatdi.

Ushbu bahsda “Fulxem” “Vulverxempton” ustidan ishonchli tarzda 3:0 hisobida g‘alaba qozondi, va 22 yoshli Kevin o‘yinda jamoasining yetakchi figuralaridan biri bo‘ldi.

Ma’lumotlarga ko‘ra, yosh hujumchi yozgi transfer oynasida londonliklarga taxminan 40 million yevroga tushgan.

“Liverpul” skautlari Kevinning so‘nggi oylardagi rivojlanishi va undagi saloxiyatni yuqori baholamoqda.