Hindistonning Goa shahrida bo‘lib o‘tayotgan shaxmat bo‘yicha jahon kubogi musobaqasida kecha 2-bosqichning (1/64 final) javob bahslari o‘tkazildi.

Javohir Sindarov birinchi o‘yinda g‘alaba qozongan edi. U Nikita Petrov (Chernogoriya)ga qarshi kechagi bahsda ham ustunlikka erishdi. Ammo o‘yin so‘ngida durangga rozi bo‘lishga qaror qildi. Natijada shaxmatchimiz 3-bosqichiga yo‘l oldi.

Nodirbek Yoqubboyev esa ikkinchi partiyada germaniyalik Niklas Xushenbetni taslim etdi. Birinchi o‘yinda shaxmatchilar durang o‘ynashgan edi.

Shamsiddin Vohidov va Nodirbek Abdusattorov ikkinchi o‘yinda ham durang qayd etishdi. Abdusattorov bahs o‘rtasida ustunlikka erishgan edi, ammo u g‘alaba olib boruvchi yo‘lni topa olmadi. Natijada har ikki sportchimiz bugun rapid formatida o‘tkaziladigan tay-breklarda ishtirok etishadi.

Nodirbek Abdusattorov - Denis Maxnyov (Qozog‘iston) - 1:1
Javohir Sindarov - Nikita Petrov (Chernogoriya) - 1,5:0,5
Nodirbek Yoqubboyev - Niklas Xushenbet (Germaniya) - 1,5:0,5
Shamsiddin Vohidov - Maksim Chigayev (Ispaniya) - 1:1.