Krishtianu Ronaldu nega Portugaliya terma jamoasidagi sobiq jamoadoshi Diogo Jotaning dafn marosimiga bormaganini tushuntirdi.
3 iyul kuni "Liverpul" hujumchisi Jota va uning ukasi, Portugaliya ikkinchi divizionidagi "Penafiyel"da o‘ynagan Andre Teysheyra da Silva Ispaniyada avtohalokatda halok bo‘ldi.
"Ikkita holat. Odamlar meni ko‘p tanqid qilishadi, avval aytganimdek, lekin bu meni bezovta qilmaydi. O‘zingizga ishonchingiz komil bo‘lsa, boshqalar nima deyishi haqida qayg‘urmaysiz.
Men qilmaydigan ishlardan biri... Otam vafot etganidan keyin qabristonlarga bormay qo‘yganman.
Qolaversa, qayerga borsam, sirk boshlanadi. Men bormadim, chunki men borsam, e’tibor menga qaratilgan bo‘lardi. Va menga bunday e’tibor kerak emas.
Men esa tanqid qilayotganim yo‘q, ko‘rgan-ko‘zimga yoqmagan gaplarni aytyapman... Shunday nozik daqiqalarda intervyu berish, bu haqda, futbol haqida gapirish? Men bu shouning bir qismi bo‘lishni xohlamayman. Agar xohlasangiz, omad tilayman.
Odamlar meni tanqid qilishlari mumkin, lekin men qarorimdan mamnunman. Odamlar meni ko‘rib, maqtashlari uchun birinchi qatorda turishim shart emas: Krishtianu yetib keldi. Yo‘q, yo‘q. Men uning oilasi haqida o‘ylab, narsalarni rejalashtiryapman. Odamlar nima qilayotganimni ko‘rishlari uchun kameralar oldida bo‘lishim shart emas. Men hamma narsani parda ortida qilaman, do‘stlar”, dedi "An-Nasr" va portugaliyalik forvard Pirs Morganga bergan intervyusida.
