Криштиану Роналду нега Португалия терма жамоасидаги собиқ жамоадоши Диого Жотанинг дафн маросимига бормаганини тушунтирди.

3 июль куни "Ливерпуль" ҳужумчиси Жота ва унинг укаси, Португалия иккинчи дивизионидаги "Пенафиел"да ўйнаган Андре Тейшейра да Силва Испанияда автоҳалокатда ҳалок бўлди.

"Иккита ҳолат. Одамлар мени кўп танқид қилишади, аввал айтганимдек, лекин бу мени безовта қилмайди. Ўзингизга ишончингиз комил бўлса, бошқалар нима дейиши ҳақида қайғурмайсиз.

Мен қилмайдиган ишлардан бири... Отам вафот этганидан кейин қабристонларга бормай қўйганман.

Қолаверса, қаерга борсам, цирк бошланади. Мен бормадим, чунки мен борсам, эътибор менга қаратилган бўларди. Ва менга бундай эътибор керак эмас.

Мен эса танқид қилаётганим йўқ, кўрган-кўзимга ёқмаган гапларни айтяпман... Шундай нозик дақиқаларда интервью бериш, бу ҳақда, футбол ҳақида гапириш? Мен бу шоунинг бир қисми бўлишни хоҳламайман. Агар хоҳласангиз, омад тилайман.

Одамлар мени танқид қилишлари мумкин, лекин мен қароримдан мамнунман. Одамлар мени кўриб, мақташлари учун биринчи қаторда туришим шарт эмас: Криштиану етиб келди. Йўқ, йўқ. Мен унинг оиласи ҳақида ўйлаб, нарсаларни режалаштиряпман. Одамлар нима қилаётганимни кўришлари учун камералар олдида бўлишим шарт эмас. Мен ҳамма нарсани парда ортида қиламан, дўстлар”, деди "Ан-Наср" ва португалиялик форвард Пирс Морганга берган интервьюсида.