Aston Villa va Makkabi klublari o‘rtasidagi bahsda tartibsizliklar yuzaga keldi. "Sky Sports" telekanali Payshanba oqshomida o‘tgan bahsda 11 kishi qo‘lga olinganini ma’lum qildi.
Xabarlarga ko‘ra, Yevropa Ligasi doirasidagi bahsga xavfsizlik uchun 700dan ortiq polisiya xodimlari jalb etilgan. Ushbu bahsga Tel Aviv klubi muxlislari kelmasligi oktyabr oyidayoq ma’lum bo‘lib ulgurgan edi. Bunga sabab G‘azodagi siyosiy beqarorlikdir.
Yaqindagina Birlashgan Qirollik Bosh vaziri Keir Starmer Isroilni qattiq tanqidga olgan edi. Qo‘lga olingan 11 kishining barchasi katta va o‘rta yoshdagi erkaklar ekani aytilgan. Eslatib o‘tamiz, "Aston Villa" kechagi bahsda Tel-Avivning "Makkabi" klubini 2-0 hisobida mag‘lubiyatga uchratdi.













