Italiya matbuoti ma’lumotlariga ko‘ra, “Yuventus” yarim himoyachi Ardon Yasharini transfer qilishga juda yaqin turgan paytda, muzokaralarga “Milan” aralashgan va kelishuv buzilgan.
Manbalarning yozishicha, mart oyidan may boshigacha, o‘shanda klubning sport direktori lavozimini egallab turgan Kristiano Djuntoli futbolchi tarafi bilan og‘zaki kelishuvga erishgan bo‘lgan. Faqat “Bryugge” bilan rasmiy bitimni yakunlash qolgan edi.
Turinliklar Yashariga qiziqishni Sandro Tonali jamoaga qo‘shilmasligi ma’lum bo‘lganidan keyin kuchaytirgan. Biroq yangi sport direktori Damyen Komolli kelganidan so‘ng, klubning transfer siyosati o‘zgargan va muzokaralar to‘xtatilgan.
"Milan" 23 yoshli shveysariyalikni yozda 36 million yevroga sotib oldi va 2030 yilgacha shartnoma imzoladi.
