Италия матбуоти маълумотларига кўра, “Ювентус” ярим ҳимоячи Ардон Яшарини трансфер қилишга жуда яқин турган пайтда, музокараларга “Милан” аралашган ва келишув бузилган.
Манбаларнинг ёзишича, март ойидан май бошигача, ўшанда клубнинг спорт директори лавозимини эгаллаб турган Кристиано Джунтоли футболчи тарафи билан оғзаки келишувга эришган бўлган. Фақат “Брюгге” билан расмий битимни якунлаш қолган эди.
Туринликлар Яшарига қизиқишни Сандро Тонали жамоага қўшилмаслиги маълум бўлганидан кейин кучайтирган. Бироқ янги спорт директори Дамьен Комолли келганидан сўнг, клубнинг трансфер сиёсати ўзгарган ва музокаралар тўхтатилган.
"Милан" 23 ёшли швейцарияликни ёзда 36 миллион еврога сотиб олди ва 2030 йилгача шартнома имзолади.
