"Arsenal" Angliya chempionatining 11-turida "Sanderlend" mehmoni bo‘ldi va 2:2 hisobida durang qayd etdi.
Dastlabki gol 36-daqiqada mezbonlar himoyachisi Daniel Ballard tomonidan kiritildi. 54-daqiqada Bukayo Saka hisobni tenglashtirdi. 74-daqiqada Leandro Trossard mehmonlarni hisobda oldinga olib chiqqan bo‘lsa, hakam tomonidan qo‘shib berilgan daqiqalarda Brayan Brobbi yana hisobni tenglashtirdi.
"Arsenal" barcha musobaqalarda mag‘lubiyatsiz seriyasini 14 o‘yinga yetkazdi. Londonliklar 26 ochko bilan APL turnir jadvalida peshqadamlik qilmoqda. "Sanderlend" 19 ochko to‘plab, uchinchi o‘ringa chiqib oldi.
23 noyabr kuni "kanonirlar" "Tottenxem"ni qabul qiladi, "qora mushuklar" esa bir kun avval "Fulxem" mehmoni bo‘ladi.
APL. 11-tur
8 noyabr, shanba, 22:30, «Stedium of Layt»
Sanderlend - Arsenal - 2:2
Gollar: Ballard, 36 (1:0). Saka, 54 (1:1). Trossar, 74 (1:2). Brobbi, 90+4 (2:2)
Sanderlend: Rufs, Ballard, Gertreyda (Mayenda, 87), Mukyele, Mandava, Xyum, Sadiki, Djaka, Le Fe (Talbi, 64), Traore (Adingra, 64), Izidor (Brobbi, 63)
Arsenal: Rayya, Saliba, Gabriel Magalyayns, Kalafyori, Timber, Subimendi, Rays, Eze (Moskera, 88), Trossar, Saka, Merino
Ogohlantirishlar: Djaka, 45. Mandava, 72 - Subimendi, 36
