"Liverpul"ning hujumkor yarim himoyachisi Dominik Soboslai Yevropaning ikki grandi e’tiborida turibdi. Bu haqda Hir TV xabar bermoqda.

Manbaga ko‘ra, 25 yoshli vengriyalikning xizmatlariga "Manchester Siti" va Madridning "Real" klublari qiziqish bildirmoqda. Gap shundaki, Soboslaining "Liverpul"dagi maoshi yiliga 7 mln yevro atrofida bo‘lib, bu uning pozisiyasida o‘ynaydigan boshqa yulduzlar bilan solishtirganda juda kam. Ta’kidlanishicha, mersisaydliklar futbolchi bilan yangi uzoq muddatli shartnoma tuzish va jamoa natijalariga jiddiy hissa qo‘shgani uchun uni yaxshi maosh bilan taqdirlashni maqsad qilgan.

Joriy mavsumda Soboslai barcha turnirlarda 15 ta o‘yinda maydonga tushib, 2 ta gol urdi va 5 ta golli uzatmani o‘z hisobiga yozdirib qo‘ydi.