Turkiya prokuraturasi kelishilgan o‘yinlar va noqonuniy stavkalar bo‘yicha ish doirasida 21 kishini hibsga olishga order berdi, ulardan 17 nafari hakamlar va ikki nafari futbol klublari prezidentlaridir.

Bir vaqtning o‘zida 12 ta shaharda, jumladan, Istanbulda ham reydlar o‘tkazildi.

Avvalroq Turkiya futbol federasiyasi ichki surishtiruv o‘tkazib, mamlakatda faoliyat yuritayotgan futbol hakamlarining 65 foizi bukmekerlik kompaniyalarida akkauntga ega ekanini aniqlagandi. Ulardan chorak qismi (152 nafar hakam) sportga faol pul tikmoqda.

 FIFA va UEFA qoidalariga ko‘ra, futbol hakamlariga har qanday sport turiga pul tikish taqiqlanadi.