Ueyn Runi Premyer-liga chempionligi uchun kurashda favoritlar haqida fikr bildirdi.

11 turdan so‘ng turnir jadvalida 26 ochko bilan "Arsenal" peshqadamlik qilmoqda. "Manchester Siti" 22 ochko bilan 2-o‘rinda bormoqda. "Liverpul" hisobida "shaharliklar" bilan 0:3 hisobidagi mag‘lubiyatdan so‘ng 18 ochko va 8-o‘rin bor.

"O‘ylaymanki, "Liverpul"ga hozir oson bo‘lmaydi. "Arsenal" dam olish kunlari ochko yo‘qotganini bilaman, ammo ularning umumiy formasi va "Manchester Siti"ning kuchayib borayotganiga qaraydigan bo‘lsak, "Liverpul"ga oson bo‘lmaydi.

Ammo mavsum hali oldinda, shuning uchun nima bo‘lishini hech qachon bilmaysiz. Menimcha, hozirda "Arsenal" va "Manchester Siti" favorit.

"Arsenal" "Manchester Siti" bilan bo‘lajak raqobatdan biroz asabiylashadi, lekin o‘ylaymanki, ulardan biri [ligada] g‘alaba qozonadi.

Hali ham "Arsenal"ga moil bo‘lsam kerak. "Arsenal"ni kichik favorit deb hisoblayman," - dedi Runi BBC podkastida.