Italiya terma jamoasi bosh murabbiyi Jennaro Gattuzo ma’lum qilishicha, “Liverpul” hujumchisi Federiko Kyeza 2026 yilgi jahon chempionati saralashidagi noyabr oyi uchrashuvlarida terma jamoaga chaqiruvni rad etgan.

“Men u bilan tez-tez gaplashib turaman. Har bir insonning shaxsiy qarorlari va muammolari bo‘ladi — bunga hurmat bilan qarash kerak. Biz bir-birimizni yaxshi tushunamiz, shuning uchun futbolchining aytgan so‘zlarini hurmat qilishim kerak. Boshqa narsa ayta olmayman,” — deya Gattuzoning so‘zlarini keltiradi jurnalist Fabrisio Romano.

Joriy mavsumda 28 yoshli hujumchi “Liverpul” safida 12 ta o‘yinda maydonga tushib, 2 ta gol urdi va 3 ta golli uzatma berdi.

Eslatib o‘tamiz, Italiya terma jamoasi 13 noyabrda Moldovaga, 16 noyabrda esa Norvegiyaga qarshi bahs olib boradi.