Fransiyalik himoyachi Dayo Upamekano o‘zining kelajagi haqida qarorni keyinroq, turli omil va holatlarni inobatga olgan holda qabul qilishini ma’lum qildi.
Futbolchining “Bavariya” bilan amaldagi shartnomasi 2026 yil 30 iyungacha mo‘ljallangan.
“Biz to‘g‘ri qaror qabul qilamiz. Men vaziyatdan yaxshi xabardorman. Har doim aytib kelganman: o‘zimni "Bavariya"da juda yaxshi his qilaman. Menda ajoyib murabbiy va jamoadoshlar bor,” — deya fransiyalik futbolchining so‘zlarini keltiradi L'Équipe nashri.
Shu bilan birga, Upamekano boshqa klublardan kelgan takliflarni ham ko‘rib chiqishga tayyorligini qo‘shimcha qildi.
27 yoshli himoyachining bozor qiymati 60 million yevro deb baholangan. Joriy 2025/26 yilgi mavsumda u barcha musobaqalarda 20 ta o‘yinda ishtirok etib, 1 ta golli uzatma amalga oshirgan.
