Франциялик ҳимоячи Дайо Упамекано ўзининг келажаги ҳақида қарорни кейинроқ, турли омил ва ҳолатларни инобатга олган ҳолда қабул қилишини маълум қилди.

Футболчининг “Бавария” билан амалдаги шартномаси 2026 йил 30 июнгача мўлжалланган.

“Биз тўғри қарор қабул қиламиз. Мен вазиятдан яхши хабардорман. Ҳар доим айтиб келганман: ўзимни "Бавария"da жуда яхши ҳис қиламан. Менда ажойиб мураббий ва жамоадошлар бор,” — дея франциялик футболчининг сўзларини келтиради L'Équipe нашри.

Шу билан бирга, Упамекано бошқа клублардан келган таклифларни ҳам кўриб чиқишга тайёрлигини қўшимча қилди.

27 ёшли ҳимоячининг бозор қиймати 60 миллион евро деб баҳоланган. Жорий 2025/26 йилги мавсумда у барча мусобақаларда 20 та ўйинда иштирок этиб, 1 та голли узатма амалга оширган.