"Barselona" himoyachisi Andreas Kristensen klub bilan shartnomasi tez orada yakunlanishi uni xavotirga solmayaptimi, degan savolga javob berdi.
Daniyalikning mehnat shartnomasi 2025/2026 yilgi mavsum oxirigacha mo‘ljallangan.
"Yo‘q, bu meni unchalik tashvishlantirmaydi. Menimcha, hozir hayotimga ta’sir qiladigan hech narsa yo‘q. Albatta, kelajakda nima bo‘lishini tushunishni xohlayman, lekin bu mening kayfiyatimni o‘zgartiradigan yoki har kuni suhbat mavzusiga aylanadigan narsa emas. Men bu haqda o‘ylamaslikka harakat qilaman, shunchaki qo‘limdan kelganini qilaman.
Klubning rejalaridan xabarim bormi? Yo‘q. Men hech narsa bilmayman. Transfer haqida o‘yladimmi? Yo‘q. Menda B rejasi yo‘q," - dedi Kristensen Tipsbladet’ga bergan intervyusida.
"Barselona" La Liga turnir jadvalida 2-o‘rinda bormoqda.
